Parantu, ye sab kyon aur kaise hua? Isake kai saare uttar hain aur karana hain. Lekin sab ke peeche ye baat hai ki 'ham apane dharma se chyut ho gaye. Hamara dharma to bahut mahan aur vigyaan ki paribhasha tha parantu ham ayogya nikale. Bhartiya samaj ke Itihas pe najar daalein to spashta hai ki jaha bhi hamane dharma ki avahelana ki aur dharma ka galat upyog kiya wahi pe Videshi takato ne fayada uthaya aur ye sab hota gaya! ' Is baat ko kafi vistaar se bola ja sakata hai parantu aap jaankaar aur samajhhdaar lagate hain. Jarurat nahi samajhata.
Koi baat nahi. Hua so hua. Jo bas hone wala haii wo to ho ke hi rahega. Aaj se kuchh shatabdi pahale koi soch bhi nahi sakata tha ke ye sab ho jaaega... to ho gayi nadani aur bewakufi. Parantu ab to sab pata hai. Ab to ye baatein samajh me aa rahi hain. Aap akele nahi. FB pe kai aise log hain. Jo nahi hai wo bhi is baat ko samajh rahe hain jyadatar. Jo nahi samajh rahe unaki aankh bhi khulegi kyonki nikat bhavishya me hamari kafi durdasha hone wali hai.
Lekin ab wo galati nahi. Taaki sudur bhavishya ko bachaya jaa sake. Jo Karane ke sapane ye Videshi dekhane lage hain wo na ho sake. Aur ye bahut kathin nahi. Sahi samaya pe aankh khul rahi hai hamari. Ab galati sudharate hue ham apane dharma ke Vigyaan ko samjhein aur usakat laabh lein. Hamare dharma ek sadharan manushya ke jeevan ko Adbhut, Shaktimaan, Samarth aur Uncha banane ka gyaan rakhata hai.
FB pe Videshi-Shadayantra ko saral tareeke se logo ko batana to hai. Saath me apane dharma ki aur gaman karana hai. Fir to Bharat hi nahi Videsh me hamara anukaran hoga. Main apane chhoti si samajha me hi apane Dharma ko itana samartha paata hun. Jap, Dhyaan, Satsang, Sanyam, Vrat, Saadhana ... Ye bahut hi adbhud vigyaan hai. Jisane bhi isaka sadupyog kiya hai Itihaas gavah hai. Yahi sahi tareeka bhi hai Desh ko bachane ka. Aur koi tareeka nahi. Ham keval Hindu hi ban jaaein to Videshi yaha pe to kya apane yaha bhi nahi Tikenge. Jai Hind. Jai Gita ka gyaan.
Subscribe to:
Post Comments (Atom)
No comments:
Post a Comment